戴祖儀向來有對40吋長腿，亦經常著短裙短褲大騷美腿，近日她相約蔣祖曼、阮嘉敏、姚宏遠和董敬文去迪士尼玩樂，卻被網民質疑她P圖過火，眾人的雙腿似《足球小將》的人物比例如12頭身，戴祖儀則霸氣回應：「冇試過用0.5廣角鏡影相？」
戴祖儀與好友們入迪士尼心情靚爆，昨日（16日）分享多張相片及寫道：「Happy 多謝大家帶祖儀出嚟放電！」她又分享「開心大發現」，表示：「有啲乜嘢比起麥當勞加大更加威！就係入迪士尼嗌$52杯嘅凍檸茶，然後嗌咗五杯！威到爆呀！」
從戴祖儀分享的相中可見，她穿上短褲晒出長腿，非常搶眼，同時有網民質疑她過分P圖「P到變晒型」，更取笑她似《足球小將》的人物比例，幾乎變12頭身，網民留言：「吾好咁影啦，對腳好怪」、「第二張相係要所有人同你一樣咁高」！戴祖儀見狀即霸氣地回覆對方：「好奇一問 依位兄台有冇試過用0.5廣角鏡影相？」但網民不太認同，表示：「 我冇用過！咁用返正常好啲啦正常嘅你都夠啦！」