姚焯菲（Chantel）、林智樂（Felix）昨天（17日）到新城廣播向電台職員送上復活節朱古力，上至首席營運總監馬浚偉，下至保安及接待處職員也有，人人有份。首席創作總監周禮茂收到朱古力時，稱有留意及讚賞林智樂的新歌，令林智樂開心到飛起。姚焯菲近日忙拍《愛‧回家之開心速遞》，她表示復活節或要開工︰「我未收到確實通知，忙到幾乎忘記節日。」姚焯菲在劇中飾演「彤彤」，她開心表示︰「我好享受﹗拍劇好好玩﹗開始拍時，我演得好僵硬，背對白多過做戲。不過，每個人一開始拍戲都係咁，依家習慣咗個環境同知道彤彤應該點講嘢，就搵番彤彤講嘢嘅節奏同感情。」
談到日前與劇中表哥金城安（周嘉洛飾）拍攝了一條片，姚焯菲說當日在公司拍MV，剛巧周嘉洛在隔壁拍劇，便邀請他過廠。她說︰「佢咁啱喺劇入面扮一個女人，經理人話今日有個『表姐』嚟探班，我已經估到係表哥扮女人。我事前真係唔知佢會嚟，之後就拍咗條片。對佢個造型有咩評價？好靚女，佢好有天分做女人，扮得好似。」林智樂表示有看《愛‧回家》支持姚焯菲︰「彤彤第一集出場，我已經睇。一個字，『好』﹗」
（即時娛樂）