內地女神各有各美態，當中以古典味最為突出嘅黃聖依，佢同富商老公楊子早前宣布唔再繼續婚姻，又表示下半年會重返影視圈拍戲，仲簽約文旅短劇項目參與劇本創作等，Keep住靚樣先可以繼續發展事業。佢今日就晒出自己15歲時啂清純相，見佢一頭短髮、雙眼有光，同佢依家嘅索樣幾乎冇分別，加上佢不施脂粉示人，由細靚到大，黃聖依留言：「現在與過去的記憶拼貼，再到江南，我還是我～請像15歲一樣繼續大膽向前吧」
同時佢亦擺出一輯古典旗袍新相，見佢一身淺色仙氣Look現身，更喺心口位置開出「蠱惑的窿」，無意間谷出事業線，令人眼前一亮。新舊照一對比，黃聖依比以往更添女人味，眼神誘惑，令人心動。
東網網站 : https://on.cc/東網Facebook專頁 : https://www.facebook.com/onccnews/