鄧麗欣日前舉行《STEP by STEPHY 鄧麗欣紅館演唱會2025》演唱會，在尾場邀得Cookies七人合體唱經典歌〈心急人上〉及〈Forever Friends〉，令全場氣氛熱爆。不過當中就缺少了成員傅穎(新名傅寶誼、Theresa)及蒲茜兒(Serena)。網上更有消息指當年傳和Cookies其他成員不和的傅穎沒被邀請。
有網民在社交平台就上載一段傅穎在內地社交平台直播的片段，片中傅穎哭著說：「在互聯網，大部分喜歡留言的都是鍵盤俠。」之後該網民更好像知情人士般替傅穎交代事件：「其實事緣係呢幾日Stephy開個唱，然之後啲人係咁入佢直播間洗版留言問佢點解唔去做嘉賓，問佢係咪冇受邀請。但係事實係Theresa係有受邀，只係因為某啲人、某啲事導致Theresa最後冇去到現場支持。而呢幾日佢係咁俾海量嘅comment去轟炸，大多數人嘅意思係話佢同Stephy有問題，所以人哋冇邀請佢，但事實唔係。我睇佢直播咁耐，今次係佢第一次喺直播喊，係忍唔到嗰種喊。因為佢脾性其實係好tough嗰種。我好了解佢。各位網友手下留情，佢其實好好。」