現年58歲鄧兆尊因擁有3位紅顏知己，故多年來有「現代韋小寶」之稱。早前有報道指，他現時擁有15億資產，雖然身家豐厚，他卻十分慳家。LINE TODAY收到讀者提供相片，拍到他與「阿三」陳小姐搭巴士出行，其間還被訓話。
至今未婚的鄧兆尊擁有3位紅顏知己，包括「正印」Carmen、「阿二」車厘子（Cherry）及「阿三」陳小姐陪伴身邊。有讀者日前就拍到他攜同「阿三」陳小姐乘坐來往啟業及寶馬山的108巴士。
由LINE TODAY讀者提供的相片可見，車程其間，陳小姐疑似一直向鄧兆尊「訓話」，而鄧兆尊無奈撳電話分散注意力，沒有留心聽陳小姐說話。不過後來鄧兆尊亦識做，氹返陳小姐，還甜蜜摸大髀。
鄧兆尊日前接受李婉華的頻道訪問時，大談與幾位紅顏知己的無性生活，又表示如果她們有需要，要「入紙申請」，引發網民熱議。他其後再在其有份主持的網台節目《娛樂好好玩》解釋，自己這樣說是為「儲能量」：「講啫，你又信，（又話乜儲能量）梗係啦，唔通話畀你聽我日日都有能量？出唔到街㗎喇！」江美儀即追問：「你三個女人梗係有啲嘢嘅！」鄧兆尊再爆金句：「監獄裡嘅人每一日都諗咩呢？諗逃獄呀！點會諗喺監獄有咩食呀？」。
鄧兆尊又提到，女伴有需要時，會向他表達：「無啦啦返屋企，開門，咦？點解著喱士睡衣瞓喺個廳喥？我閂門就走喇，撞鬼呀！閂門走。（咁兩一齊攤喺度又點算呢？）唔會嘅，分開住嘅，唔好傻喇」。
擁有多個物業的鄧兆尊，每間屋藏一嬌，江美儀笑指他可能隨便開一間屋都會中「Jackpot」，兆尊苦笑：「成日都中！我都想唔中！天氣凍就冇咁易中。」