上月底荷里活電影《白雪公主》上映，有網民驚覺女主角Rachel Zegle與張敬軒撞樣如餅印，瘋狂改圖逼到軒仔真人回應，更親自貼出化身白雪公主照自抽。今日（17日）張敬軒在社交平台更貼出名為「雪姑軒公主」的短片，疑似為其代言的眼藥水廣告宣傳，當中他一人分飾兩角，既扮演黑魔后，又扮演白雪公主，扮得維肖維妙。
張敬軒在社交平台貼出短片，寫道：「#警告 以上片段可能會令人不安, 敬請家長留意。哇哈哈咔咔🤭您哋成日搞錯我個樣係其他人，點解？！經過呢半個月明查暗訪，終於俾我搵出個原因，原來你哋班人都有潛在嘅 #老花 危機。想問吓您哋睇到片中人又係邊個？如果你哋覺得全部人都係我，即係你已經開始有 #老花 呢個問題出現。。。」
張敬軒在片中分飾黑魔后及白雪公主，又重現經典一幕，就是問魔鏡「邊個對眼真靚」，更寫明「黑魔后老花危機」，劇情講述連白雪公主都疑似患有老花。他又笑言：「係咪好驚呢！唔使驚, 我自己睇完都好驚！欲知後事如何，同埋有乜解救, 請看下回 #聽日 分解」。他自言又一次為技術而犧牲，並提前同大家過哈佬喂。