吳文忻(Nathaliie，現名吳忻熹)自從上年公開乳癌復發後，一直積極用上不同方法治療，亦有在社交平台拍片分享正面態度。但早前就提到癌細胞變異擴散至尾龍骨，惡化至第四期，約一個月前亦指決定停止化療。
日前吳文忻在IG分享沙灘散步的相片，留言︰「昨天天氣好好，見自己坐骨神經痛好似好少少，去完醫院抽血檢查就去沙灘赤腳走走grounding和去曬吓太陽，點知之後醫生call我，話我白血球指數好低，要我立刻返醫院攞藥和打升白針！其實我停咗化療成個月了，每次都係因為白血球差少少唔達標，今次仲要話指數勁低要打升白針！停咗成個月，點解白血球反而低咗咁多㗎呢？但我身體又唔覺得有咩問題喎！」不少好友及網民都有留言為她打氣。