去年成軍的樂隊ROVER在新人年創出不錯成績，來到今年推出首支主打歌《記錄抹煞》，歌曲以「記憶抹煞」為主題，在漫長等待與思念之苦，最終選擇徹底刪除回憶的情感掙扎。MV更選址基隆海邊懸崖拍攝，壯麗的自然景觀與歌曲的沉重主題相互呼應，帶來視覺與聽覺的雙重震撼。
《記錄抹煞》由ROVER作曲，著名填詞人T-Rexx操刀歌詞，以「記憶抹煞」為核心，講述一段逝去的感情如何成為難以擺脫的負擔。歌詞中反覆提及「刪除記憶」、「抹煞痕跡」，表達了主角在回憶與遺忘之間的掙扎與痛苦。
Kim（卓金樂）說：「呢首《記錄抹煞》，係我哋同T-Rexx一齊傾出嚟號元素，關於一個古羅馬的酷刑，叫做除憶詛咒；等佢死了之後，就抹煞一個人生前嘅記錄。代入我哋呢首歌，想講如果忘記唔到一個人嘅時候，其實係等同用咗呢個酷刑係自己身上。」
來到ROVER自己創作的第五首作品，亨仔（陳鎮亨）直言樂隊間創作時間比之前快，說：「今次首歌偏向台式一點的風格，係我哋四個都好想嘗試嘅類型。加上我哋都用咗一年時間磨合，點樣創作旋律，所以創作上都順利。」
MV選址台灣拍攝，希晉（王希晉）解釋原因：「因為平時睇好多台灣愛情電影從中獲得啟發，覺得台灣的風景、演員同台灣嘅拍攝手法，都好適合今次首歌拍 MV 的地點。」而導演則揀選了基隆海邊懸崖取景，想以壯闊的海景與陡峭的懸崖象徵情感的起伏與無常。
由於要落懸崖，令四子戰戰兢兢，Jason（雷濠權）說：「呢個地方應該大家都冇去過的，落去係好斜、旁邊已經係海，中間有一部分係要行一條梯。重點係我哋有好多器材，可能驚我哋危險，台灣crew堅持唔俾我哋拎。」
今次ROVER四子因工作關係，只是參與了部分畫面，主要由台灣演員飾演男女主角，故事取材自日本特殊職業「夜逃屋」，專門幫助人一夜間搬屋、逃亡，甚至更換身份，進一步深化歌曲中「抹煞記憶」的主題。而拍攝當日，亨仔更因要趕返香港考試，完成拍攝後即趕飛機返港，團隊亦緊湊地趕在日落前完成拍攝，過程高效而順利。