現年27歲的音樂人Goo Chan（陳澤鴻）出軌被女友芷希捉姦斷正引起網上熱議。昨晚（4月20日）有網民以「香港著名獨立歌手／作曲人渣Goo Chan陳澤鴻背七年女友出軌偷食十八歲妹豬被捉姦流出」為題出帖文，並附上多段錄音及短片。Goo Chan於今日（4月21日）凌晨在IG出黑圖發聲明，向前女友芷希道歉並宣布無限期退出幕前工作。而芷希今日下午在IG story貼出回應，表示「第一次獨自面對呢種情況」，並澄清沒有發佈影片錄音。
在Threads流傳的帖文中，其中在多段錄音中，聽到一名疑似是Goo Chan女友芷希的女子情緒激動地說道：「我平時瞓主人房，平時瞓入面㗎！佢做乜瞓咗我個位呀？！」當時一把聲音說道：「真係報警㗎咋遲啲咁搞落去。」「你叫佢出嚟啦、叫佢走啦」。Goo Chan疑維護房內的女子：「我唔想你地嚇親佢呀。」一名女子說道：「嚇親佢？受保護動物呀？我都嚇親呀，邊個嚇親我呀？」而在附件的短片中，拍到Goo Chan邊敲邊開房門，細聲說道：「出嚟喇，唔使啦。」疑似芷希問道：「你有無覺得對我唔住呀？」房內的年輕女子被清楚拍到樣貌。
Goo Chan今日凌晨在社交平台貼出黑圖，寫道：「對不起。現在就網絡流傳有關本人的片段作正式回應，向芷希再次鄭重道歉，我辜負了你對我七年真誠的感情和陪伴。由我一無所有的時候開始，無論生活如何艱苦，都一直在身邊扶持著我。而我竟然不懂珍惜，親手斷送了你的幸福，對你造成了無法修補的傷害，對不起。本人將會承擔起責任，即日起無限期退出幕前工作。往後不會再對此事作任何回應，亦承諾絕不會作出傷害別人的行為。最後，很抱歉因為我的私事影響了大家，想向所有受影響的朋友、工作夥伴及大眾說一句，對不起。」
Goo Chan前女友芷希今日下午在IG story發帖文，寫道：「多謝大家關心，抱歉冇辦法一一回覆，但大家溫暖嘅說話我都已經收到。以下係一啲澄清：事情發生喺二月初並非近期嘅事，當時嘅狀況比較突然同混亂，第一次獨自面對呢種情況，屋企人擔心我，其後亦都即刻過咗嚟陪我，所以錄音當中稱要報警處理嘅，並唔係佢，係其中一位屋企人，希望唔好過度解讀。最後見到部份留言，想澄清影片同埋錄音並唔係我發佈，正式分手後都只係想各自安好。事情發展到今日已經有一段時間，一直都有努力消化、努力工作、努力繼續創作自己嘅影片、努力搵返生活應該要有嘅節奏，所以身心都已經好返好多。畢竟係私人嘅事並無意佔用資源同版面，希望事情盡快落幕，再次多謝大家關心。」
Goo Chan近年為MC張天賦、洪嘉豪、吳保錡、張蔓莎等創作歌曲，於2023年有份為張天賦的《老派約會之必要》作曲、編曲，更奪得多個獎項。Goo Chan與網紅芷希曾拍拖7年，二人在Goo Chan於尖沙咀busking時相識，芷希一直支持男友追尋音樂夢。早在今年2月20日，芷希已在IG發文，表示與Goo Chan於2月初分手：「接受呢段佔咗人生四份一有餘嘅感情要結束，並唔容易，事情發生得太突然」。