楊丞琳（Rainie）昨日（15日）於澳門開騷後，今日（16日）隨即在香港出席記者會，宣布《LIKE A STAR世界巡迴演唱會-香港站》將於5月4日在亞洲國際博覽館 Arena舉行。由於楊丞琳久未在香港開騷，大批粉絲一早在商場等候，商場二樓及三樓都企滿粉絲，大會事先表示Rainie不會公開受訪。
楊丞琳以露腰性感Tee亮相，又多次拉開毛毛披肩，大騷「馬甲線」及纖腰，她全程用廣東話對答：「我今天真係好興奮，仲有啲緊張，因為好耐冇同大家見面，同埋好耐冇講廣東話！我學了一句『老Best』去形容好友，Fans們都係我嘅『老Best』，約定你哋5月4日見！」
不過，楊丞琳不斷嫌自己廣東話差，她說：「我廣東話真係退步好多，我嬲嬲豬啊！」她笑言「嬲嬲豬」一詞是否仍適合自己，而6月4日生日的她，又自爆已經40歲了。
Rainie已有七年未在香港舉行個唱，她表示很掛住粉絲，自爆這次會唱廣東歌，以答謝粉絲多年支持。「我愛你哋呀！從你地嘅聲音可以聽到你地真的很掛念我，聲音有點慘、有些走走的音。」她表示來港開演唱會，想把握機會見好友阿Sa，笑指二人上次只有一小時見面！