影帝任達華與琦琦愛女任晴佳（Ella）獲封「最索星二代」，僅20歲嘅佢依家就讀倫敦政治經濟學院，身為Year 2嘅佢，一直都係學霸，原來佢已經跳級讀緊Year 3課程，又表示：「有些難度，但我特別享受。」仲成日去圖書館溫習到凌晨接近2點，努力梗係有回報！
任晴佳曾就讀香港拔萃女書院及新加坡國際學校，14歲到英國留學，現時就讀倫敦政治經濟學院。倫敦政治經濟學院被譽為「世界一級的高等教育與科學研究機構」，於全球政、商、法、學界極負盛名。倫敦政治經濟學院同牛津大學、劍橋大學、倫敦帝國學院、倫敦大學學院並稱為G5超級精英大學，係英國金三角名校。而有「娛圈樓王」之稱嘅任達華，曾大爆早在女兒2歲時已擁有上海和維也納的物業，更曾揚言將名下30多個海外及香港物業留畀愛女。
東網網站 : https://on.cc/東網Facebook專頁 : https://www.facebook.com/onccnews/