資深藝人夏春秋（冬叔）上周二（3月11日）離世，享年93歲。女兒吳君如透過社交平台向外公布消息：「我最愛嘅老豆走咗嘞。」冬叔前新抱江美儀透露，冬叔臨走前曾受腎病困擾，每周需入院洗腎。
江美儀的前夫為夏春秋的兒子吳君祥，即使二人已離婚，江美儀與其家人都保持良好關係。她於冬叔離世後亦在社交平台上載合照，悼念寫道：「永遠懷念！你的笑臉、你的笑話、你的幽默、同你一齊慶祝生日。冬叔，願你離苦得樂，往生淨土！」
江美儀昨晚（3月17日）在有份主持的網台直播節目《娛樂好好玩》中，表示自己透過吳君如的公布才知道冬叔的死訊，並透露其實冬叔近幾年身體抱恙：「我知道佢呢幾年身體麻麻地，個腎唔係咁舒服，一個禮拜都要入醫院兩次洗腎。耐唔中我都會同Vincent（吳君祥）問候吓冬叔點呀，『都係咁囉，喺屋企休息多囉。』因為都90歲。」
她又表示，與冬叔的關係很好。因為他們同是9月20日生日，因此以往會一齊慶祝，她又說：「冬叔有樣嘢留返畀我哋係好嘅，就係佢永遠都好開心，你永遠見到佢都好開心，唔會好『忟憎』，成日都係笑騎騎，再唔係就講笑話畀我哋聽，我覺得佢留畀我哋嘅就係佢嘅開心，都係好好嘅禮物，我永遠記得佢講啲鹹濕笑話，佢嘅幽黙。」