蕭正楠升級做爸爸後的第一個廣告在日前進行拍攝，Edwin直言因為照顧小孩而增加身體酸痛：「當初我以為BB會好輕，但係最近翠如話我知我背脊厚咗，可能係呢幾個星期餵奶、抱BB，有時候同一個姿勢維持太耐，不知不覺身體唔同部位都會酸痛，呢個係我最近嘅一個體會，湊BB真係會周身酸痛。相信之後BB越嚟越重，痛症會更加明顯。」
要在工作和家庭中取得平衡，個人健康是非常重要，Edwin每日會花30分鐘做運動，特別着重拉背肌的動作，避免因為抱嬰兒而寒背。Edwin深感此藥油廣告來得正合時，產品可以幫助他舒緩痛症。Edwin稱拍劇和照顧小朋友花費的體力不同，但對著小朋友是打醒百份之二百的精神，就算小朋友一個細微的動作，例如打噎、大聲哭、吐奶，便會感到很緊張，有時還會自責自己做得不夠好，心情起伏很大。
Edwin笑言現在是幫兒子打工，今次代言的廣告片酬，全數撥入仔仔的教育基金：「希望佢有最好嘅事物，同埋我同太太最大期望係仔仔開心。」Edwin表示很感恩，這段時間能夠二十四小時全天候陪伴太太和兒子：「好多嘢都好易上手，盡量我負責晒所有粗重功夫。」未來希望可以分配好工作和家庭的時間，而且對自己的體能要求比較高，希望有足夠體能，將來同小朋友一齊玩樂。