Edan（呂爵安）昨晚（4月20日）與阿正（黃正宜）、Jeffrey（魏浚笙）、劉沛蘅、岑珈其、肥腸（徐浩昌）在會展舉行《膠戰RUN FOR YOUR LIVE》。返家後和妹妹小如豬邊吃宵夜邊直播，跟約5000網民大談近況。Edan透露自己近半年開始經歷了很多事情，令他覺得迷惘及迷失，希望可以對「打返開個心，直接同你哋（爵屎，Edan粉絲暱稱）分享我經歷嘅事情，做返我想做嘅Artist。」Edan亦在直播中透露收到不少DM用十分難聽的字眼罵林明禎，他直言：「佢係一個好好嘅女仔 、佢係我身邊重要嘅人，我性格唔希望見到呢啲，同埋我覺得同你哋講咗，同你哋無呢個誤會，以後出面點講，我都唔需要再講咩，我淨係care我想care嘅人。」
Edan表示，「爵屎」是他重視與珍惜的人，直播向來是與爵屎溝通的模式，他亦很喜歡這種獨有的連繫，直言曾因身邊的人勸告而未有直播。「講到尾都係驚，驚會失去。因為嗰一次意識到我會失去啲嘢、影響啲嘢。」、「呢半年都幾封閉自己，好綁手綁腳、好多人指指點點，一直好多內心鬥爭，唔知點好。」、「原來我口口聲聲話唔驚，但我都係會驚，唔夠堅定，未知自己想要咩、成為咩人。」
Edan表示，現在的工作能支持自己的生活，以及擁有夢寐以求的東西，但卻感到愈來愈迷惘，發現擁有的東西並沒有令自己特別開心，解釋可能是因為出道後的壓力累積了很多。對於早前被指一提女友即指傳媒黑心，Edan解釋：「我係公眾人物我理解，要有啲嘢畀人講下，你問我會盡量配合，但如果係一啲網民講嘅嘢，你又要我去回應，但真係唔係嗰回事，我都唔知點去處理。我都發覺其實無辦法，我唔想再被呢啲嘢影響。同埋最奇怪、棘嗰個位係平時採訪大家都關係好、會講笑、影相簽名，但返到去點解新聞會咁寫？我明白係好juicy ，好多人想問、想講，但我一直覺得感情唔需要講咩。我都28歲人，鍾意人有咩問題？就算以前中學，媽媽問我有冇鍾意啲咩女仔，我都唔會講。」
Edan表示自己一直很重視身邊的人，無論隊友或同事又或朋友被攻擊也會出聲，稱曾收過很多互鬧的訊息或DM：「佢（林明禎）係一個好好嘅女仔，亦都係我身邊好重要嘅人，我唔希望見到呢啲。」、「我覺得同你哋講咗，同你哋冇呢個誤會，以後出面點講，我都唔需要再講咩，我淨係care我想care嘅人。」Edan表示見到鏡粉互鬧會覺得不舒服，例如看到自己的粉絲鬧Anson Lo，他指Anson Lo是自己的好友，不想看到他被鬧。