李蔓瑩(Renee)一向身材好，日前在IG分享泳衣照，就算泳衣包到實，出眾身材一樣有強勁效果，而且就算素顏上陣，戴上眼鏡的造型反而勁得網民歡心。不過她自己就竟然因為這個造型想起動畫《數碼暴龍》的主角太一。
Renee在IG出游完水的靚相，留言：「太耐無游～20個直池，體力就用完了🙂 #藍色泳鏡=太一 #同🐢🍯一齊嘅好處 #就係點都會幫你影下相😇 #個頭係我哋去焗桑拿焗乾佢嘅😂懶得吹頭 #已經慣左素顏就要戴眼镜🥸 #1游完2未游3游完4游緊🏊🏻♀️ #主要都係想身體健康🙃過2日再游!」當中提到自己戴上藍色泳鏡在頭上，和動畫《數碼暴龍》的主角太一一樣。