《中年好聲音2》亞軍譚輝智唱而優則演，他加盟《愛‧回家之開心速遞》劇組，並飾演「熊家」鄰居。譚輝智今天（16日）亮相《愛‧回家》「復活節彩蛋大作戰」活動，聯同劉丹﹑呂慧儀﹑姚焯菲及滕麗名等出席。
輝智在劇中角色叫「何守烏」，劇情講述他會和老戲骨劉丹，力爭大廈立案法團主席之位，自認玩得的輝智表示，與劇組打成一片，他坦言跟劉丹演對手戲壓力好大，大讚丹爺好勁，又謂背對白比背歌詞困難，因為要顧及表情，充滿學問，他表示已準備有NG，但慶幸仍未被人鬧。劉丹則對譚輝智予以高度評價，讚他醒目，作為新人要給他時間進步：「佢非常Ok，有對白時就留心對手，冇對白就留意其他人，佢唔算多NG。」
另外，丹爺駕車離開無綫時，遭粉絲截停影相，被指反應慢，丹爺坦言討厭駕駛時被揮手截停，因為覺得危險兼沒禮貌：「心裏面講粗口，但唔方便講出嚟，我出門口見到有人喺左手邊，我咪轉右囉，我有望嗰個動作，點算反應遲鈍啫？都攞嚟講嘅﹗」
同場的吳偉豪表示，不知道好友周嘉洛和陳瀅傳出姊弟戀，他避談好友感情事，又謂只知嘉洛為人心地善良：「我同周嘉洛係襯嘅，大家覺得呢？（他叫你不要說?）咁又冇，我都唔知可以講啲咩。」
（即時娛樂）