38歲的菊梓喬(Hana)未知是否和吳保錡拍拖太開心有幸福肥，早前就自指近月好肥。她近日在社交平台上載在健身室的自拍片指要減肥，不過就引來粉絲留言之餘，吳保錡都有留言讚女友：「Fit🔥」
菊梓喬在片中指：「最近呢幾個月見到我啲人都話：『你好肥好肥做咩肥咗咁多。』其實我係咪真係好肥？但其實我唔覺得自己好肥，只係年紀有番咁上下真係會有少少中女嘅感覺，上下左右收埋少少鬼祟肉。」所以要努力做運動：「可以唔好成日着鬆身衫，今年夏天目標係可以着小背心，我教練話最緊要係身體健康，肥瘦唔緊要，最緊要有肌肉，新陳代謝就會變得好，個樣又後生啲，病痛都少啲啦！」其實吳保錡亦沒有說錯，事實看來菊梓喬身形又真的很fit。