近日《白雪公主》新電影即將上映，又掀起公主熱潮，尤其主題樂園，個個女都係公主。陳茵媺與陳豪的8歲女兒近日就變身公主，更原來已經成長得很快。而另一邊楊茜堯和羅子溢的女兒，亦都同樣變裝公主，而且媽媽都有玩埋一份。
陳茵媺與陳豪結婚11年育有11歲大仔Aiden、9歲二仔Nathan及8歲細女Camilla。近日陳茵媺就帶女兒到主題樂園玩，8歲女兒被指暴風式成長，戴上皇冠穿上公主裙做童話故事主角。而媽媽陳茵媺亦畫上和女兒一樣的蝴蝶結眼妝，陳茵媺留言分享：「時間過得好快，我們的小公主長得真快，雖然她仍然喜歡戴皇冠和禮服，但我會盡力捕捉這個神奇時刻，感謝你擁有我們，留下終生難忘的回憶。」
而楊茜堯、羅子溢的女兒亦同樣有變裝公主，楊茜堯出相留言：「最鍾意公主造型嘅珍珠家姐，我地決定帶佢去香港迪士尼樂園嘅童話藝坊 - 魔法化妝廳， 實現佢當一日公主嘅願望。眼見囡囡著上白雪公主服裝，亦有專人幫佢化埋bling bling妝容、配搭公主髮型、皇冠、權杖同飾物，唔好話小朋友開心，連我都睇到心心眼。成個體驗會令到小朋友感受到魔法，好好玩。經過一日嘅公主體驗，珍珠都話好想快啲入戲院，要睇即將上映嘅真人版《白雪公主》電影。」