謝霆鋒相隔25年，4月尾再在港開演唱會，而且地點更是啟德主場館舉行。不過這個《Evolution Nic Live謝霆鋒進化演唱會》掀起搶飛潮，就算之後加開兩場，一樣被秒清。謝霆鋒就在社交平台出文表示知道民間疾苦，更稱會送飛送禮物。
謝霆鋒留言：「最近都仲有好多人DM我/Tag我話買唔到飛，好想睇我演唱會，不如咁啦！多嘅我真係冇辦法，我私人送20張演唱會飛俾大家，但係我未諗到點樣送俾大家，等我諗吓先。」之後更提到送禮物給大家：「你哋話我送20張演唱會飛邊度夠滿足晒咁多人，又話攞到嘅機會好渺茫，你哋嘅訴求，我完全聽到晒，但我手頭上只可以攞到20張飛送俾你哋！不過我又諗到第二樣禮物送俾大家！ 就係再加送演唱會神秘盲盒，名額20個，但神秘盲盒係乜嘢就唔同大家講住，不如等我諗吓點樣送啲飛同演唱會神秘盲盒先，再畀啲時間我。」
而這帖文就引出忠實粉絲曬出25年前的演唱會門票留言：「可摸耳用四份一世紀前嘅飛換領？」