釗峰被爆出軌後首現身 落閘不受訪急急腳低頭走人
藝人陳凱詠(Jace)及梁釗峰今日(19日)現身大角咀出席其聲演動畫電影《藍精靈大電影》見面會宣傳,與觀眾大玩遊戲。釗峰在台上分享是自己第二次配音,但因上次配音的角色無嘴巴,所以不用對嘴型難度較低,今次則要配出角色高低起伏的心路歷程,覺得既特別又開心,又指角色性格膽小、無信心,最難是要拿捏說話途中突然柔和地唱歌,而最有趣則是歷險期間的不斷大嗌。
早前釗峰被化妝師前女友爆出軌後,雖公開道歉但仍被認為是「渣男」,事前講明不受訪的他雖然在台上笑容表現如常,但見面會一結束便急急腳低頭離場。而Jace受訪時表示為卡通片配音一向是自己的bucket list,所以今次一有機會便二話不說去做,加上很喜歡小朋友,一直想像做藝人有配音機會後,要去戲院睇吓小朋友的反應和笑點,又指她所配音的角色「美芝」以前比較女仔姿態,但今時今日已變化成一個獨立、有遠見和勇氣的女性,笑言與自己很相似,因此配音過程很開心。
談到配音中具難度的部分,首次嘗試配音的Jace指反而是很基本的對嘴,笑言角色的嘴巴是歪的,看不出何時擘大了,後來發現了竅門,便是跟著角色的肢體動作來配音,效果就會更好,而問及戲中唱歌的部分,她則笑指:「都難㗎,因為始終陳凱詠唱嘅歌,越唱就越喺自己寫啲歌,好耐冇唱一種咁boardway感覺嘅歌,係有啲困難,同埋最緊要唱嘅時候又要跟嘴型,如果係陳凱詠唱,鍾意啲音斷開,但見到個角色個嘴keep住擘大幾耐,就要跟住幾耐。」
至於問及Jace是否與釗峰一同配音,她指兩人雖分開配音,但對方亦有告訴她竅妙及鼓勵她,當問到對方有無與她談及感情問題,她則指:「冇喎,我哋好專注做配音工作(咁你有無知道佢單新聞?)我覺得比多啲空間佢,我哋見面都係傾番配音嘢。(佢之前提過想輕生,好似情緒好大問題?)我知道我哋今日藍精靈嘅氣氛,可能一班小朋友喺度,現場氣氛大家都好開朗,我覺得OK嘅。」
此外,提及早前她被爆新歌MV拍足37個鐘壓榨員工,她直言相當搞笑:「玩37個鐘就有可能,開工就開唔到37個鐘。(有冇好委屈?)冇嘅覺得好搞笑囉,其實都多謝佢幫我曲線宣傳,因為真係有人同我講:『我睇咗你個MV啊,真係拍37個鐘都係值得㗎』,咁大家誤會底下睇多咗我MV就好啦,因為就算唔係拍咗37個鐘,大家都拍得好辛苦,好快我又拍MV,希望今次唔會再有37個鐘嘅誤會啦。」而開個人工作室的她指已渡過了最大壓力的時期,學會了如何處理更多事,直言即將要出碟的自己最近都是集中於寫歌、練舞,希望以作品行先,又指其實自己接job方面以開心為主,亦會以最大努力去賺錢,與製作團隊一同成長,她笑言雖然資金方面暫時冇問題,但希望之後賣碟賣飛大家多多支持。
東網網站 : https://on.cc/東網Facebook專頁 : https://www.facebook.com/onccnews/