黃秋生肥仔加盟《Di-Dar》舞台劇　再回應王晶批姜濤：人哋又冇搞你

風車草今日（24日）舉行舞台劇《Di-Dar音樂劇場 (Comeback)》記者會，一眾主演包括梁祖堯、湯駿業、邵美君、黃秋生、ERROR隊長梁業（肥仔）、和何洛瑤（Sica）現身到奧海城出席，《Di-Dar》上年公演叫好叫座，今年有黃秋生和肥仔新加盟，同場亦宣布好消息，16場門票已售罄，現在加開4場。

梁祖堯表示，今次找來秋生和肥仔加盟，兩人各有很勁的地方，肥仔是舞蹈擔當，「大師兄」秋生則非常幽默，又有經驗令人意想不到，很適合擔任這個有份量角色，又多謝師兄一口答應演出。黃秋生笑言當時「冇嘢撈」，答應後就工作爆多，而他很喜歡這個角色，看到之前角色由葛民輝演出，心感對方演得很好，令他羨慕又妒忌，他又自嘲：「咁我都唔知點算，仲要又跳又唱。」

黃秋生早前為姜濤反擊王晶「人肥歌雞舞賤」的言論，其後姜濤在出席活動時感謝秋生，他笑指亦有看到姜濤感謝自己，感到幾開心，又指姜濤肥得可愛。「其實大家互讚咪好囉，係咁講埋嗰啲嘢仲乜啫。其實我覺得佢幾可愛。梗係多啲鼓勵好啲，人哋後生仔，無啦啦人哋又冇搞你，係咪先？」

黃秋生日前出席杜琪峯70大壽晚宴，與林雪及張耀揚「鎗火兄弟」合照，掀起陣陣回憶殺。黃秋生說：「《鎗火》都變《走火》，冇傾工作，太多人要應酬，見到好多舊朋友，好開心。都有同好耐冇見嘅發哥（周潤發）傾偈，發哥好勁，說話有力度同說服力，而梁朝偉依然斯斯文文。」

同場出現的肥仔，今次是首演舞台劇，坦言面對秋生哥有膽怯，他說：「最擔心自己自我感覺良好，活動前見到秋生，跟對方打招呼，他對住我陰陰嘴笑，笑容意味深長。」肥仔笑指秋生跳舞是賣點，問肥仔安排甚麼舞蹈給秋生？「秋生話自己擅長跳雙人舞，今次會安排大家跳MIRROR嘅舞。」秋生聞言表示沒難度，他有留意MIRROR成員跳舞，還即席示範。

至於姜濤最近不停被批評，肥仔坦言有安慰對方，又透露最近為姜濤新歌排舞，活動後都與姜濤工作。「大家係開心愉快工作當中，佢冇呈現唔好狀態，佢都邀請我出席慶祝生日活動，而我們未來有好多合作。」