男子攜大水樽購物車　裝港鐵飲水機免費水　網民鬧爆濫用 亦有人撐行為合理

港鐵為鼓勵環保及便利乘客自備水樽，早於2022年開始在旗下車站安裝免費飲水機。惟近日一名中年男子在港鐵站內以大膠樽取水的畫面於社交平台流傳，引發網民激烈爭議。

有網民周四（24日）在Threads上載一張照片，顯示一名男子手持摺疊式購物車，站在一個港鐵車站的飲水機旁，以大膠樽接水。帖文寫道：「為咗慳錢，喺地鐵攞水咁都得」，形容其行為誇張，質疑是否過度使用公共資源。

事件隨即引起網上熱議。有網民批評做法不當，擔心會「玩爛」本來供即時補水之用的設施，「免費水遲早消失」、「之後可能要拍八達通限次取水」，亦有人憂慮此舉會影響真正有需要的人使用，「你裝桶水帶走，仲有冇得畀人飲？」

不過，亦有不少網民為男子抱不平，認為只要不影響他人使用，並無不妥。「人哋畀水你裝就係方便你補水，佢又冇霸住」、「佢屋企可能冇水」、「無人排隊又唔阻人，咁裝水有咩問題？」不少留言呼籲大眾勿過度批判，應考慮對方背景與實際需要。

港鐵自2022年起逐步於車站安裝飲水機，至今已有36個港鐵站提供免費飲用水服務，方便乘客減少即棄膠樽使用，配合環保政策推動。

港新聞Instagram：https://www.instagram.com/kong.news/
港新聞Threads : https://www.threads.net/@kong.news