估你唔到玩到咁Singer DLS Turbo

改波子改到出神入化的Singer，最新作品是將一部964改裝成70年代叱吒一時的934/5樣子，只睇相已經覺得好興奮。此部新作的名字叫DLS（Dynamics & Lightweighting Study）Turbo，而且還有兩個版本－落場及行街兩款，前者就是橙色那一部，外觀完全有當年934/5的神韻－超闊拋沙板、無比敵鯨尾（翼）、大頭鏟等，這個樣子用來「行街」明顯有點難度。所以Singer就準備了另一款行街版本（金色那一部），相對上就改得不太誇張（同樣由964改出來），不過車頭睇落就有點像930，車尾拋沙板部份就有少少935影子。不論落場版還是行街版，兩款都配由Singer調配出來的3.8公升水平六缸twin-turbo引擎，由6速手波將700匹馬力全數傳至尾輪，聽落都幾得人驚！