醫療科技｜深夜熟睡心跳竟跌至33bpm！Apple Watch響警報救一命，劍擊運動員崔浩然：呢個奇蹟救咗媽媽
每分鐘心跳次數低於60次，便屬於心搏過緩，輕則引致頭暈、疲倦、無力，重則會令人暈倒、呼吸困難，甚至中風、猝死……然而，部分心跳過慢的人並不會有明顯症狀，假如一直都未有察覺問題，或許就會突然心臟驟停猝死。編輯：YK@Medical Inspire │ 圖片來源：Medical Inspire、shutterstock
醫療科技｜深夜熟睡心跳竟跌至33bpm！Apple Watch響警報救一命，劍擊運動員崔浩然：呢個奇蹟救咗媽媽
生命警報夜半來襲：心率幾乎只餘一半
3月某個深夜，劍擊運動員崔浩然的68歲母親Natalie睡得正酣，卻突然被Apple Watch的警報聲驚醒。手錶表示她的心率跌至每分鐘33次，幾乎只是正常水平的一半。但她卻不覺身體有任何異常，「我又冇乜病徵，冇話暈呀嘔呀」。為了安全着想，Natalie決定馬上到醫院求診，經初步治療（打針）後仍無法令心跳明顯回升，依然保持在每分鐘40次以下的水平。
Natalie的情況令醫護大為緊張，只因清醒狀態下心跳每分鐘不足40下已屬嚴重過慢，病人有可能會隨時昏厥，甚至猝死。而且心跳慢亦可能與先天性心臟病、心臟組織受損、睡眠窒息症等嚴重疾病有關。回憶起當時的情況，Natalie只覺得醫護「好緊張，好大陣仗」，「見到我脈搏好低，即刻做晒ECG心電圖！又冚唪唥同我插晒嘢嚟Monitor，仲有個護士跟埋去，攞埋嗰個心肺機。」醫護更一度作最壞打算，將兩片用作AED電擊的膠片貼在她身上，以防她心跳突然停止。
沒有徵兆的奪命「炸彈」
「個心慢我完全冇先兆，我8號入醫院，7號仲係去做運動、飲茶、食飯，仲係自己行、搭巴士、搭船，好正常。係唯一追巴士或者上樓梯有少少氣促」Natalie說。然而對醫護而言，就不像Natalie那麼輕鬆了。之後醫生安排Natalie到心臟科深切治療部留醫，期間一直密切監察她的心跳，卻從未回復正常，最終，醫生確定Natalie有心搏過緩問題，與藥物、甲狀腺等外在問題無關，需要立即安裝起搏器。「醫生話如果唔理佢，可能有一日瞓瞓下就心臟驟停！」
Natalie提到，留院多天只是試過被送去照X光時，心跳因緊張而升至每分鐘70、80下，「但係冇數3下就即刻跳返去45，之後都係得42、43左右，夜晚瞓覺嗰陣最低我見到得34。」
植入起搏器，賦予心臟全新動力
安裝起搏器已是非常成熟的簡單手術，大概只需要1-2小時。Natalie很快就做完手術，不過手術後生活上比較不便，例如在8-12星期內不能舉高手、不能太靠近電磁爐等，但至少根除了最可怕的心搏過緩問題， 「可以繼續活下去，點都值得」。「而家好安心㗎啦，因為心跳一低過60，起搏器會自己幫我過電。佢入面舊電可以用7-10年，呢段時間都唔驚佢冇電。」
與死神擦過的奇蹟：機緣巧合下佩戴了Apple Watch
事後回想起事件，崔浩然直言媽媽可能早已患有心搏過緩的問題，但一直未有察覺。Natalie形容，那一晚的事是「一個奇蹟」。「媽咪平時唔會戴錶瞓覺」崔浩然說。「我第二朝要飛，平時飛之前一晚我都係喺體院（香港體育學院）嗰邊瞓嘅，但唯獨係嗰晚返咗屋企，畀咗隻Apple Watch媽媽。」Natalie本身已有一隻Apple Watch，見多了一隻就試試戴着睡覺，未料就發現了潛伏身體的危機。Natalie坦言，希望藉着分享自身經歷，讓心跳有異常的人士透過智能手錶，盡早發現問題。「戴咗Apple Watch，就唔使下下返到屋企攞脈搏機先Check到。我唔會百分之百信佢，但佢俾到個數值我，即係好似心跳每分鐘33下，入到醫院真係33，係一樣嘅。」崔浩然說：「好老土咁講，要珍惜一齊嘅時候。好多嘢你都唔知道，純粹我嗰日冇啦啦返咗屋企，俾咗隻錶媽咪，就發生咗呢件事。好多嘢解釋唔到嘅，就盡量每一日都珍惜做緊嘅嘢。」
簡易方法監測身體狀況，銀髮族輕鬆駕馭
Natalie說，現時自己已是「錶不離手」，「瞓覺都喺我側邊，如果我夜晚覺得有少少唔舒服，就即刻戴嚟Check個心跳」。除此之外，她也經常使用Apple Watch附有的心電圖和血氧偵測功能。她笑指，事後不斷向年紀相近的銀髮族朋友「推銷」Apple Watch，協助他們隨時隨地監測身體健康。
戴上Apple Watch後，裝置便會自動偵測使用者的心跳和血氧，亦可以手動開啟相關的應用程式即時測量。
如需要測量心電圖，只需在Apple Watch內開啟「心電圖App」，按指示將手指放在指定位置上30秒即可。
Apple Watch會將測量得到的結果同步到已連結的iPhone。除此之外，Apple Watch亦會自動記錄步數、睡眠質素、環境噪音等，同樣可在iPhone的「健康」App中看得到。