傳再患絕症老公癱瘓仲偷食　田蕊妮︰算係一種成就？

48歲的視后田蕊妮，近年跟老公杜汶澤移居台灣，去年更自爆做身體檢查時發現患上初期的肺腺癌，慶幸及早發現可完全治癒，完成手術後只留有疤痕，故自覺好運氣。但昨日（12/10）田蕊妮在Facebook發文分享一則「笑話」，原來近日有網上假新聞指她再患絕症不特止，老公杜汶澤四肢癱瘓之餘仲要去偷食，並欠債過百萬才要走佬去台灣，種種假新聞令田蕊妮激動得要發文澄清。

原來田蕊妮本身都不知道有這些假新聞流傳，直至有日收到堂家姐一個訊息，一來便直接問她︰「你同阿澤冇事呀嘛？」令她一頭霧水，追問下堂家姐才轉寄一篇簡體字報道給她︰「內容大概係我有絕症，我老公四肢癱瘓仲要偷食，爭人過百萬要走佬去台灣。」田蕊妃看後已清楚表明是假新聞不要信，奈何堂家姐語重心長表示︰「無論點都好啦，你有咩事都要同我講，就算我幫唔到你，都可以有mental support」

田蕊妮聽到這個回應，表示內心講了很多句救命，笑稱反白眼反到去後腦，於是特別在文中澄清︰「首先，我身體好到不得了。另外如果我老公四肢癱瘓，仲可以去偷食，其實會唔會算係一種成就？至於欠債呢一件事，我係咪要認真考慮一下好似向生向太咁出嚟開個記者會？」最後更指這事件令她有感而發︰「做人千祈唔好理人點諗，唔好活喺別人嘅眼光底下。」最後還特別標註＃世界真係充斥着好多假新聞＃最恐怖嘅係有人信