盤點宣萱31年人質之路　古裝現代一樣被綁架

有「御用人質」之稱的宣萱，自從1994年在劇集《餐餐有宋家》被人以一支原子筆挾持成為人質後，便正式開啟長達31年「人質之路」，最近在TVB劇集《巨塔之后》第30次被綁架，再度成為焦點。

盤點宣萱過往被綁架方式可謂五花八門，由最普通的被武器「行」頸、持刀恐嚇、到被綁在海中央、高高吊起等都有，「人質經驗」非常豐富。宣萱接受官方訪問時笑言今次被綁最特別，除了不是孤單一人、亦是最舒服的一次：「係第一次唔係淨係綁我一個，哈哈！仲要係佢（綁匪Ronny）好有口齒地肯放返我哋走，唔使我自己好辛苦咁逃走，所以亦都係最舒服嘅一次（綁架）嚟。」

對於宣萱「被綁架」第30次，有網民留言：「有宣萱的地方就有綁架」、「人質之后」、「宣萱被綁架成就+1」、「可以申請健力士世界紀錄了」、「除了御用人質，同時都是生存率最高的人質」、「難道『被綁架』是她的興趣？」……

至於與宣萱同場被綁的林景程，則笑言能與宣萱同場被綁、及能於現場親眼目睹「御用人質」宣萱（Jessica）被綁感到相當興奮，笑言是成就解鎖：「哈哈！係人生嘅bucket list嚟架大佬！我以前睇電視就成日見到佢畀人綁架，我冇諗過有機會現場睇到佢畀人綁，仲可以同佢（宣萱）畀人綁埋一份喎，嘩！呢單嘢簡直係我人生最高光時刻嚟啦。」

宣萱曾當人質的TVB劇集：1994年《餐餐有宋家》 1996年《天地男兒》、《900重案追兇》、1998年《天地豪情》、1999年《刑事偵緝檔案IV》、《騙中傳奇》、2000年《洗冤錄》、《夢想成真》、《雷霆第一關》、2001年《尋秦記》、2002年《流金歲月》、2004年《烽火奇遇結良緣》、2006年《賭場風雲》、2007年《歲月風雲》2010年《掌上明珠》、《施工奇案II》、《刑警》、2011年《萬凰之王》、2012年《飛虎》、2017年《使徒行者2》、2021年《陀槍師姐2021》、2025年《巨塔之后》。