香港美食：【KFC三重芝士系列震撼登場！中文名有指定字可免費食炸雞！】

更新於 03月25日18:28 • 發布於 03月25日10:45 • 香港人遊香港

香港美食｜KFC三重芝士系列震撼登場！中文名有指定字可免費食炸雞！

香港美食｜各位芝士控注意啦！KFC最近又有新搞作，推出全新三重芝士脆雞系列。芝士脆雞運用咗三款芝士去打造，包括香濃巴馬臣、惹味車打同香滑忌廉芝士，芝味十足。系列會有兩款新品，分別是「芝芝芝味脆雞」同「芝芝芝味雞腿包」，等你享受芝士層次。而最興奮嘅係，KFC仲特登為系列準備咗個驚喜優惠，只要你個中文名有「芝」字，就可以免費食到「芝芝芝味脆雞」一件！優惠期有限，即刻Tag身邊個名有「芝」嘅字朋友一齊去食啦！

▲ KFC早前一直賣關子，依家終於可以正式公開新品係三重芝士脆雞。

▲ 全新芝芝芝味脆雞外層灑滿三重芝士粉，再淋上香滑濃郁嘅車打芝士醬，每一啖都係濃到漏嘅芝士味，配搭外脆內嫩嘅炸雞，絕對係芝士控嘅終極享受！

▲ 芝芝芝味雞腿包用上鬆軟麵包，入面夾住新鮮爽脆嘅生菜同番茄，再加入香嫩多汁嘅三重芝士脆雞！每一啖都係完美配搭，保證食完會回味。

▲ 只要去任何香港同澳門KFC分店櫃檯，出示你張有「芝」字嘅身份證，再打開KFC App用「芝」名人士優惠券，就可以免費食到一件「芝芝芝味脆雞」。