香港美食：【文青必去！何文田日系雪糕文具店！牛角包雪糕+必試限定福岡士多啤梨口味+日本直送文具】- 白玉

香港好去處 | 文青必去！何文田日系雪糕文具精品店！

香港美食 | 何文田出現咗一間極具日本氣息嘅寵物友善小店，結合日系雪糕店同文具店概念。成間舖無論係裝潢定係產品都充滿住日本美學，絕對係打卡必去之選。雪糕選擇多元化，最特別係佢嘅雪糕底選擇超多款，除咗基本嘅甜筒，仲可以揀雞蛋仔、牛角包、瑞士卷，甚至可以用汽水或者特飲做底，打破傳統雪糕舖嘅框框！

▲ 雖然係小店，但間舖設計得好舒服。門口有位坐低慢慢嘆雪糕，比大家感受日本喫茶店嘅寧靜氣氛！

▲ 常駐嘅係北海道牛奶雪糕奶味香濃質地順滑，而佢哋每兩個星期都會推出新口味，口味會由客人投票選出。過往就推出過海鹽芝士雪糕、波子汽水味雪糕等口味。

▲ 早前推出咗福岡甜王士多啤梨同乳酪雪糕口味，士多啤梨味突出，同時又唔會過甜，乳酪雪糕冰涼爽口。

▲ 另外，配料方面都相當講究，會有OREO、抺茶醬、椒鹽蝴蝶餅等特色配料，令雪糕嘅層次感更加豐富。價錢方面都幾親民，由$24起跳，以呢啲品質同創意嚟講相當抵食。

▲ 店舖有大量日本文具精品， 有貼紙、MEMO紙、明信片等等，每一件都係由店主精心挑選，相信無論係文具控定係日系控都一定會買到心頭好！

白玉

地址： 何文田梭椏道15號典雅大廈地下4號舖
營業時間：11:00-21:00

文字：香港人遊香港