空肚做運動好處定壞處多？減肥必睇

黎明說過「空肚食早餐」，那麼空肚做運動又好唔好？好處還是壞處多？營養學家Mandy Wong會建議運動前進食較好，當中包括3大優點。

空肚做運動消脂會快啲？✅

的而且確，當空肚嘅時侯，由於身體已經無醣原/肝醣(glycogen)，所以，當做運動，身體需要有一定熱量消耗，就會動用到脂肪，「啟動」消脂模式會較快。

空肚做運動會消多啲脂？

有一點大家要注意，身體快啲進入消脂模式，但這不代表會消多啲脂肪。
因為身體有一個「代償機制」(compensation mechanism)! 當身體一下子消耗多咗脂肪，係休息時(resting) 反而會減少使用脂肪。所以，當整天去計算，其實空肚做運動，不代表會消耗較多脂肪。
而且，是否早上做運動先係最有效去消脂，亦都唔係。總之會做運動，會有熱量消耗，就好啦！
這一點，research 唔比咁多大家睇啦～
但我揾咗個由Harvard Medical School 醫生寫，而又容易明嘅文章比大家參考。

為何我會建議運動前進食較好？

主要原因有3大點：

• 當身體能量低時，其實好難加強運動強度，變相運動時間要較長先可以keep fit。即係你要做一個鐘低強度運動，所消耗熱量先會等於我做30分鐘中等運動。叫大家做多10分鐘運動都好難，所以，情願大家有氣有力地做運動。而且，身體儲備唔夠，亦好難長時間做帶氧運動 。除非你已有空肚運動習慣，又或者意志力驚人！
• 如果空肚做運動，會較容易出現血糖過低、頭暈等不適症狀。
• 食完野先做運動，可以提升運動後的生熱反應(Thermic effect of exercise)，又即係** “After-Burn”，變相增加全日的總卡路里消耗。

總結

到底空唔空肚做運動，講到尾都係自己自行決定啦～
如果運動強度唔高，時間亦唔係長，其實運動前有否進食，都不大關係。
大家著眼點亦不應在於是否「空肚」，又或者做運動時間應否在「早上」。而係你要減肥、修身，應考慮到整體飲食，以及，多做運動，幫助增加熱量消耗。

Mandy Wong, 任職營養學家，以「營養共享」為理念，積極推廣健康飲食。不著重食物的「卡路里」，只講求食物是否合「營」合「理」。把營養學的概念深入淺出，教大家如何吃得活得更MINDFUL。

營養學家 Mandy Wong Facebook

▼ Follow Weak Ends Here
Website: https://www.weakendshere.hk/
Facebook: https://www.facebook.com/weak.ends.here/
Instagram: https://www.instagram.com/weak.ends.here/