香港美食：【Starbucks全新紅豆豆腐花咖啡登場！全球首創新品！香港25週年限定推出！】

更新於 05月15日17:01 • 發布於 05月15日08:58 • 香港人遊香港

Starbucks｜全新紅豆杏仁奶豆腐花咖啡登場！

大家有冇試過飲咖啡配豆腐花？聽落好似唔夾喎！但係星巴克香港就喺25週年呢個大日子，將呢個匪夷所思嘅配搭變成現實啦！星巴克為咗慶祝喺香港紮根四分一世紀，今次推出嘅紅豆杏仁奶咖啡（配豆腐花）！佢哋將香港人最愛嘅豆腐花同埋紅豆，加埋星巴克招牌嘅黃金特濃烘焙咖啡，再配上香濃杏仁奶，將傳統港式甜品融入西方咖啡文化，每啖都係中西文化嘅完美碰撞！杏仁奶嘅果仁香氣配上香滑豆腐花，仲有甜甜嘅紅豆，啖啖都係豐富口感層次，令人回味無窮。呢款飲品仲有凍飲同埋忌廉星冰樂®版本，啱晒初夏時分享用。即日起呢款充滿港式情懷嘅期間限定飲品將會喺全線香港同澳門星巴克分店有售，想試就快啲去買啦！

▲ 紅豆杏仁奶咖啡（配豆腐花）凍飲：凍凍地嘅黃金特濃烘焙咖啡，配上軟滑豆腐花同香甜紅豆，杏仁奶嘅果仁香氣更顯突出，每一啖都係豐富口感層次，清爽解渴之餘又有飽足感，啱晒天氣開始熱起嚟嘅香港！

▲ 紅豆杏仁奶咖啡（配豆腐花）熱飲：熱辣辣嘅黃金特濃烘焙咖啡配上香滑豆腐花，豐富細膩嘅口感層次，加埋果仁香氣濃郁嘅杏仁奶，再放埋香甜紅豆，完美演繹中西文化嘅結合！早上提神一流，午後放鬆更啱feel！

▲ 紅豆杏仁奶咖啡忌廉星冰樂（配豆腐花）：想要更冰涼細滑嘅享受？呢款忌廉星冰樂®版本絕對係初夏嘅完美之選！將咖啡、杏仁奶、紅豆同豆腐花完美融合成雪凍口感，奶香濃郁又帶有咖啡香氣，頂層忌廉更為整體增添甜蜜！超級打卡之選啊！

▲ 限定飲品將會喺全線香港同澳門星巴克分店有售，只限大杯裝。