鰂魚涌最強牛舌芯？烤牛小排滑蛋豬扒｜秋嵐日本料理

有時要贏真係一招就夠，其實餐廳都係，勁嘅話好似一拳超人，一路剩係出直拳咁就得。呢間本身係間居酒，見證住佢地推出咗呢款牛舌後，就翻身變咗間被居酒耽誤嘅牛舌店。

雖然佢地隱藏係地底，可能真係全香港最多人認識，黎到基本上每枱都係食牛舌。但其實除咗牛舌，佢地其他定食都好出色，例如滑蛋吉列豬扒，又或者燒魚咁，連條魚都係自家製一夜干。

-
🥩極味厚切牛舌定食 ($158)
🍱定食：茶碗蒸、牛舌咖哩、白飯/轉三文魚籽飯(+$38)、沙律、湯、甜品
1️⃣已經爆紅咗一段長時間嘅牛舌，而且咁耐以黎真係keep到水準，仲不斷改良，做到而家呢種粉嫩軟彈嘅口感，外層又焦脆，內裡滲滿牛油脂香。

2️⃣一Set跟上嘅定食都非常有心思，竟然仲有一小份牛舌咖哩，應該因為燒牛舌只用舌芯，外層邊位就拎去做咖哩，而且可以轉埋三文魚籽飯，超爆滿超幸福。

🍖滑蛋黑豚煮御膳 ($108)
呢道滑蛋吉列豬扒真係有驚喜，滑蛋汁軟嫩帶甜，送飯一流，重點係豬扒浸落蛋汁都保持到脆身，真係炸到酥脆金黃色，又夠厚切，啖啖肉超正。

🥩安格斯牛小排松葉蟹肉蟹膏丼 (定食$188)
烤牛小排出奇地入味，肉質又夠軟嫩，少有地配上松葉蟹肉蟹膏，鮮味同油脂香混合，再撈埋飯食超正。

🥓自家製一夜干燒魚御膳 (定食$188)
鋪頭自己做嘅一夜干，風乾熟成之後味道層次更加濃香，然後燒到非常脆皮，內裡又軟嫩帶油香，不過留意因為一夜干要預先自家製，所以要預訂。

-
秋嵐日本料理 @shuran__izakaya
🗺️鰂魚涌英皇道1010-1056號東匯坊地庫072號舖
📞電話訂位：2111 3129
🌐網站訂位：https://bit.ly/3XwOwbw

▼Follow foodiegogoooo
Instagram: https://www.instagram.com/foodiegogoooo/