新派打卡茶樓 手工現做粵式點心🫖 [ 匠傳 ]

平時係香港都中意食點心，最近同屋企人去深圳飲茶。呢間新派茶樓主打手工現做粵式點心，經典及創新口味都有。而且茶樓有花園式🪴戶外座位，飲茶都可以打卡！

手工現做點心
✿ 海參湯瑪瑙鮮蝦餃皇 ¥59/份 🍤
餐廳招牌菜。食蝦餃前加入雞湯，雞湯有海參夠足料。4粒鮮蝦餃餃皮軟糯煙韌，蝦肉餡飽滿多汁。

✿ 翡翠福袋 ¥28/份
新春限定點心：益母草准山餃。綠色餃皮軟糯煙韌，配搭新穎，味道有點似菜苗餃。

暖冬限定菜式❄️☃️
✿ 五指毛桃雞煲 單點 ¥159/份 🐔🍲
一煲熱辣辣嘅雞湯煲。雞煲以五指毛桃、海南文昌雞肉、紅棗及枸杞等係炭爐🪵🔥上烹煮，雞肉煮熟後肉質依然嫩滑，湯品有淡淡椰奶香味，冬天❄️食完暖笠笠。

✿ 圍爐奶茶＋四宫格小吃拼盤 ¥59/份
店員將罐壺放在小炭爐🪵🔥上，炒香大紅袍茶底☕️，再加入牛奶🥛烤成奶茶，口感醇厚豐富。

四宫格小吃拼盤有核桃、花生、松子及砂糖橘，可放上小炭爐烤熱食。

✿ 烤糖心蜜薯 ¥19/份 🔥🍠
烤紅薯香甜軟綿，入口即化。

糕點
✿ 包你發財 ¥18/份
新春限定，菜式名有意頭，係元寶形狀小蛋糕，口感軟綿。

總結
點心味道較清淡，食得較健康。茶樓從早上8點到晚上10點供應超過50款粵式手工點心，唔收加一服務費。此外，農曆新年期間酒樓照常營業。

✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
匠傳
地址：深圳市福田區中康路73-4號（福田口岸地鐵4號線 坐10分鐘到上梅林站，B出口對面）
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

▼Follow konglui.food 港女食好西
Instagram: https://www.instagram.com/konglui.food/