<旺角悠閒舒適西餐廳🍴> /𝒀 𝒅𝒊𝒏𝒊𝒏𝒈 🇭🇰/ #sa旺角篇 #sa西式篇
旺角俾我嘅感覺係真係幾熱鬧
想揾個清靜兼無限時嘅餐廳都有啲難
但覺得呢間幾適合～
雖然價錢屬中上 但覺得質素都算有番咁上下
環境衛生 坐得幾舒服 店員服務態度都有禮✨
都幾推薦佢地嘅青口🤤 係真係幾好食～
自家製tiramisu 亦幾岩我口味
tiramisu $78 🌟
都係店嘅signature 🫶🏻即叫即製
手指餅先放進冧酒浸透
再加上mascarpone cheese
中間嘅手指餅形狀保持到原型 軟硬度適中
酒味幾重👍🏻吸收晒冧酒精華
上面嘅cheese 都夠軟滑
今次反而覺得咖啡味可以重番少少😆
另有crème brûlée 、pana cotta 都睇落唔錯！
90分鐘青口任食放題 $368/pp (免加一) 🌟
如果好鍾意食青口 可以食呢個 (兩位起)
逢一至四晚上供應
每次嘅份量大概如圖咁 都算幾多！
有意式番茄/蒜蓉白酒汁/紅咖喱同刁草忌廉汁
另配指定生啤/汽水任飲 +$20 要埋薯條
食左番茄同蒜蓉白酒汁～
味道嘅話我會推薦蒜蓉白酒✨番茄較開胃
係我暫時食過最好味嘅汁🤤好香蒜蓉味
所以都用佢蘸包同薯條食～
青口都幾厚肉入味🥰
茴香燒春雞 $288
一送到黎香噴噴✨首先會原隻上
之後店員會係你面前切件
除咗雞都有幾多其他配料🤤薯仔紅蘿蔔等
雞皮微微香脆 最好都係盡快食～
雞髀部分尤其多汁嫩滑 雞胸位置就乾身啲
南瓜意大利飯 $118
份量來講幾足夠 兩人share 可以食多啲其他！
入面會食到南瓜粒 瓜唔會煮得過硬✨
米飯都索滿南瓜茸 係覺得稍為濕左啲
另外都有寬條麵/港式元素risotto 都好似幾正
SUNTORY Gold
上面講到青口放題配嘅啤酒🍻
大大杯 唔會飲得晒🙈
入口帶花香、甘甜 容易入口～
面頭嘅泡沫夠豐厚綿密！
如果真係唔飲酒 都可以揀汽水/果汁
📍Y Dining @y_dining_
旺角彌敦道703號金鑽璽1/F
➖➖➖
分數💛(10分為滿分)
食物質素:7.5/10
環境: 8/10
服務: 8/10
價錢:7/10
回頭率:55%
▼Follow @sa_foodieadventure
留言 0