Ralph’s Coffee中環分店升級登場｜推夏日限定Menu！伯爵茶檸檬蛋糕+白朱古力夏威夷果仁檸檬曲奇

相信提起Ralph Lauren，大家除咗諗起招牌小熊同polo上衣，仲一定唔會唔識Ralph’s Coffee啦！今次中環分店升級登場，除咗有齊堂食服務，仲特設舒適座位，約埋朋友一齊chill住嘆返杯咖啡，真係寫意到不得了～ 全店裝潢延續Ralph Lauren經典美式格調，木質元素配搭暖黃燈光，感覺溫馨又放鬆，無論自拍定打卡都一流。夏日限定menu都好吸引：有清新嘅芒果熱情果冰茶、香濃白朱古力夏威夷果仁檸檬曲奇、仲有伯爵茶檸檬蛋糕，每款都好啱打卡同開心share！店內仲有唔少限定精品，包括即沖咖啡、咖啡粉、棒球帽同香港專屬咖啡杯，送禮自用都咁得意！最驚喜係中秋限定月餅禮盒又返嚟啦！今年摩卡咖啡月餅再度登場，咖啡控必試！禮盒設計超有心思，有小熊咖啡師同經典電話亭，電話亭仲可以變身做燈飾，靚又實用。今年中秋，一齊去Ralph’s Coffee搵返份簡約美好啦！

延伸閱讀

歡樂天地3萬6千呎灣仔旗艦店開幕！-15度冰雪樂園、VR電單車玩到盡！

日本《鬼滅之刃》無限城1.2公里夜間森林！重現無限列車/猗窩座決鬥名場面/美食+周邊公開

啟德JUST CLIMB有蓋攀石場試業！最平$180玩足50分鐘！8 米自動保護器攀石牆率先開放

▲伯爵茶檸檬蛋糕：伯爵茶香加上檸檬清香，下午茶食返件，超有英式Tea Time嘅感覺～

▲白朱古力夏威夷果仁檸檬曲奇：甜甜白朱古力加上檸檬香，仲有香脆果仁，每一啖都有豐富嘅層次！

▲芒果熱情果冰茶：香甜芒果配上微酸熱情果，滋味融合，清新又解渴～一啖就愛上！

▲開心果撻：撻皮酥脆內餡滑順開心果粒層次豐富

▲餐廳提供多款咖啡、曲奇及蛋糕外，亦有蛋沙律三文治、吞拿魚三文治及火腿芝士牛角包等鹹食。

▲超可愛的Ralph’s 即溶咖啡：一盒口8粒

▲店內亦可供選購RALPH’S COFFEE咖啡豆或咖啡粉，一系列咖啡杯、TEE及TOTE BAG各款記念品。

▲Ralph’s Coffee小熊咖啡月餅： 電話亭內另有亮燈裝置，為家中添一抹柔和像月光的情調燈光。

▲立體電話亭設計盒內藏流心奶黃月餅及朱古力咖啡月餅。

Ralph’s Coffee 月餅禮盒售賣詳情

早鳥優惠價：每盒 $488（2025年 7月24日至2025年 9 月5 日）
原價：每盒 $568（2025 年 9 月 6 日起）
官方預購網址：www.ralphlauren.com.hk/ralphs-coffee-shop-mooncake
換領日期：2025 年 9 月 6 日起

Ralph’s Coffee 中環店

地址：中環遮打道10號太子大廈M樓M12-16號舖

文字：香港人遊香港