音樂會取消退款安排無影　洪卓立斥主辦：冇晒交代

洪卓立（Ken）原定去年11月30日於麥花臣場館舉辦《探索者巡迴音樂會香港站》，但因大埔宏福苑火災及檔期問題，主辦單位Sunny Idea當時宣佈取消並會作退款安排，但至今已3個多月，仍未有任何消息。洪卓立近日在社交平台發文直指主辦冇交代，而該主辦公司Sunny Idea (HK) Limited的IG帳號及官網亦已刪除，只剩下facebook專頁，近日更傳出結業傳聞。

洪卓立在限時動態發文：「天災人禍絕對無人想。音樂會取消之後，買咗飛嘅朋友問退款嘅事項點處理就不聞不問、冇晒交代。身為主辦係咪應該出嚟交代一下? Btw IG都唔見咗。」

Sunny Idea (HK) Limited成立於2013年，公司主要負責歌手及藝人經理人業務，王灝兒（JW）、吳業坤、關楚耀及吳林峰等曾是公司旗下歌手。Sunny Idea的IG帳號及官網已刪除，而剩下的facebook專頁最後更新是去年底宣佈許靖韻及洪卓立的演唱會取消。

洪卓立去年11月的演唱會因大埔宏福苑火災取消，他當時曾經表示：「我並唔係因為什麼滯銷而延期甚至可能取消，只係我哋覺得依家咁沉重嘅時間，完全唔適合去做我呢個音樂會主題。而我亦預咗短期內都做唔到香港站，因為場地無期。小弟嘅工作亦安排到下年年底，好難再短期內夾到香港站。」