【東京美食】上野的東京屠夫 (手工啤酒吧餐廳)
相隔四年幾再來東京，到埗後的第一餐在上野酒店附近，簡簡單單吃一餐，找到一間手工啤酒餐廳「東京屠夫」，環境氣氛輕鬆，而且價錢非常親民。
今次去東京搭中午機，航班稍為延誤，大約七點才落機，搭Skyliner去到上野的酒店已是晚上八點半後，匆匆放下行季，便落去吃晚飯。
走出酒店時已是大約9點，時候已不早，又肚餓，便不想走太遠，在酒店附近沿着上野御徒町火車站週邊地方搵食，只想簡單吃一餐。
在上野御徒町火車站天橋底下，一字排開有好多餐廳和商店，當中找到這間美式酒吧餐廳Tokyo Butchers，室內工業風裝修，座位頗多的，望入去看來氣氛很隨意，於是毫不猶豫便入去，享受到埗東京後的第一餐。
這樣的氣氛，加上預咗吃牛扒和薯條，確實適合飲啤酒，這店供應日本本土為主的手工啤酒，幾款手工啤酒的選擇之中，揀了Okachimachi Ale( 860円），帶點微酸，立時消除搭完飛機和火車的疲累。
奉送一客刨芝士片(330円)，又好啱配這隻啤酒！
食物則在牛扒類別之中揀了Butchers Rib (230g 2000円)，或可揀460g，但我又未至於太餓，最後發覺230g剛剛好，而且薯條的份量都不細。
薄身的肉眼牛扒盛上時是一整塊的，侍應在客人面前把牛扒切成細塊，然後才正式端上來。
點餐時沒有詢問牛扒熟度，煮成medium的牛扒，煎得焦香十足。
油脂比例又恰好，估計應該不是日本和牛，像是美國牛，肉味香濃。
對今餐其實要求不高，確實得到不錯的水準，價錢又不貴，總共盛惠3000円有找，加上餐廳內氣氛輕鬆，無論客人和廚師都同樣沒甚拘束地談笑，就為今次的東京之旅開了一個愉快的序幕。
東京旅遊優惠:
日本網卡優惠｜日本Docomo / KDDI上網卡｜台灣、中國、香港、韓國寄送
TOKYO BUTCHERS
地址: 東京都台東区上野５丁目１０−9
交通: JR御徒町駅或地下鐵御仲御徒町駅步行3至5分鐘
營業時間: 星期一至五 11:30–14:00, 17:00–23:00
星期六至日 11:30 – 23:00
Google Maps地點: https://goo.gl/maps/KZHto4Qw3GRsZQ7n7
請關注飛叔平台:
Facebook專頁: 飛叔生活 Kelvin Leung
Instagram: kelvinyfl
YouTube: 飛叔Kelvin Leung