消息指：拜仁同中堅烏柏美簡奴續約談判未傾好嘅最主要原因係簽字費

🚨根據德國傳媒SPORT1消息，拜仁同中堅烏柏美簡奴續約談判未傾好嘅最主要原因係簽字費，而烏柏美簡奴覺得自己最近表現幾好同埋戴維斯之前同拜仁續約都有一筆高額簽字費，所以覺得自己同拜仁續約都值得有一份唔錯簽字費😉

💥根據德國天空體育消息，雖然最近傳出皇馬同烏柏美簡奴達成口頭協議，但事實係烏柏美簡奴同經理人團隊依家同緊拜仁進行談判。雖然雙方仲未達成一致，但談判進度積極。如果簽新合約，合約將會去到2030年或者2031年，而年薪有機會去到2000萬歐羅😶

💣根據圖片報消息，由於拜仁同烏柏美簡奴續約仲未傾好，拜仁為烏柏美簡奴離隊開始做準備，拜仁開始接觸同利物浦中堅干拿迪經理人團隊。事實上，干拿迪同利物浦合約都係去到2026年夏天，所以拜仁有機會係出年夏天免費簽入自由身嘅干拿迪。除咗拜仁之外，皇馬同巴黎聖日耳門都有興趣簽入呢位法國🇫🇷球員🙂