薛凱琪自爆抑鬱症險復發　近況曝光驚現排骨胸

歌手薛凱琪（Fiona）近年長駐內地發展，人氣高踞不下嘅佢，更憑凍齡有道嘅「BabyFace」及靚聲，圈粉無數。而今年2月受唱作人好友方大同突然離世打擊嘅佢，曾喺訪問透露抑鬱症有復發迹象，晚晚喊到瞓着、醒咗又繼續喊，一度喊到呼吸困難；然而，日前出席內地公司尾禡活動嘅佢，雖然身穿低胸連身短裙騷Quali但「紙片人」嘅身材卻再度掀起熱議。

日前，有網友喺社交網晒出Fiona擔任公司尾禡表演嘉賓嘅片段，只見Fiona着上色彩繽紛嘅低胸連身短裙，化身迷人花蝴蝶喺台上翩翩起舞，大騷香肩鎖骨、纖纖小蠻腰及白滑美腿，狀態大勇嘅佢，面對鏡頭先主動彎腰合照，心情似乎相當靚，然而瘦到驚現排骨胸嘅佢，同樣引嚟唔少網友擔憂其身體健康。

東網網站 : https://on.cc/東網Facebook專頁 : https://www.facebook.com/onccnews/