裕美不滿刊登照片太醜樣　「我冇咁快原諒你哋」

警方昨日（11月5日）落案起訴涉及JPEX虛擬資產交易平台案16名男女，其中涉案的林作今日早上8時許由警員押解，乘警車離開北角警署往東區法院應訊。林作女友裕美早上現身東區法院，不少記者上前拍照。不過之後有報道上架後，裕美對被刊登的照片非常不滿，在社交平台出story轉載報道並寫道：「你哋WhatsApp話一早就係度等，希望我停底俾你影幾張相，見你哋都辛苦了，我配合。你他媽的揀張這麼醜的相，你哋下次msg我有任何要求，我不再配合，係咁先。」

裕美之後再拍短片以表不滿，直言「冇咁快原諒你哋」。她在片中邊進食邊說道：「我又冇食嘢又冇瞓覺，你他媽的，啲記者影到我咁醜樣，我陣間就去影返佢轉頭。有時見到佢哋咁多人企喺度等咗幾個鐘，其實有啲唔忍心，唔想一支箭飆咗去唔理佢哋，但好啦，到你影完之後，出嚟嗰個樣衰到呢！我冇咁快原諒你哋，所以陣間又見到你哋時，我係唔會再畀你哋影。」

裕美再分享在座駕內自拍的短片，表示很欣賞自己的「行政look」和強大的意志力。她在片中說道：「呢一身行政look真係唔錯，平時都好少咁著，但我哋尊重法庭，所以就著到咁樣，係咪好事業型女士呢？都真係好攰，我平時6點鐘瞓，琴日係完全瞓唔著，提自己早啲瞓，愈提就愈醒，7點半就要起身，我驚6點一瞓著冇11點都唔識醒，所以我直頭唔瞓。跟住仲要姨媽來得剛剛好，今日第一日嚟，所以成個人簡直玩緊十項鐵人咁樣，你見我喺度揸緊車，我最強係意志力，我嘅意志力連我自己都佩服。」