多蒙特中堅尼高舒洛達碧已重返球隊訓練

🚨多蒙特宣布5個月之前半月板撕裂嘅尼高舒洛達碧已經重返球隊訓練，舒洛達碧今個星期已經同部分隊友一齊接受訓練，而係之前已經係訓練球埸進行個人訓練。當今舒洛達碧重返球隊訓練嗰陣，有幾位被國家隊徵召嘅多蒙特球員亦都重返球隊，當中包括拜亞、艾迪耶美、哥斯等😉

🎯根據魯爾新聞消息，舒洛達碧恢復情況唔錯，預計將會係9月尾提早復出。事實上，多蒙特陣中仲有安利簡同埋蘇利兩位中堅受傷。不過，當蘇利受傷之後，多蒙特即刻由車路士借入🇦🇷中堅安斯明路奴，呢位20歲中堅之前係德甲地標戰都有唔錯表現🤓

💬教練尼高高華最近接受訪問講到舒洛達碧情況「我覺得舒洛達碧距離重返球埸仲有一段時間。如果舒洛達碧想重返球埸，佢需要同對手進行對抗，但係佢仲未去到呢個階段。我哋會俾舒洛達碧足夠時間，確保佢100%好返先至可以上陣😶。」