Jer 柳應廷推出久違嘅情歌《記憶倒行》
柳應廷最近推出久違嘅情歌，搵嚟具份量嘅班底，帶大家進入一趟《記憶倒行》之旅。
「這秒鐘記憶的人 令眼睛看一切恍了神 一切一切將回帶思憶裏重生」
當一段深刻嘅關係走到盡頭，即使已過去許久，亦總會喺意想不到嘅時候浮現，一下子將你帶進回憶。回到塵封嘅時間，置身當時嘅環境，曾經嘅至愛彷彿仍在身旁。
「一秒間記憶光臨 定格心跳深愛的眼神 分你一半新耳機 聽歌裡人生」
無數片段頓時如走馬燈般略過，在回憶中一步步尋回過去嘅軌跡。先勾起嘅往往係心動甜蜜之時刻，即使只係一啲相處上嘅小事，再喺腦海經歷依然會會心微笑。每一幕埋藏在心嘅片段，都能令你重新體驗當時嘅喜與悲，縱然感受已被歲月沖淡了一點，但記憶中嘅感覺仍舊悸動。
記憶就係如此有趣，來襲時令人防不勝防，會開心會揪心，更想沉醉其中，再次重溫。
「忘掉了的那份悸動記憶再生 讓最美好年華緊閉合眼封印」
可惜夢終有醒來一刻，一下子回到現實，難免唏噓，亦要接受彼此已隨時間越走越遠。縱然結局令人心酸，但過程更多係快樂，亦慶幸有過美麗瞬間，只要回憶保存在心，就能將依段緣分以另一種方式延續。
「流逝過的每段也總帶着餘溫 聽風幻想 想每幕也記得」
《記憶倒行》係一首代入感好強嘅作品，聽緊個陣會不自覺地勾起曾經嘅經歷同感受。依個亦係阿Jer獨有嘅感染力，讓大家進入歌中故事，釋放情緒。
「原諒我一再又再不禁地重溫 銘心入骨 永久烙印」
柳應廷近年嘅作品一直嘗試不同題材同風格，迴響或者無初出道幾個三部曲咁好，但我認為質素仍然非常高，希望佢會繼續堅持走自己嘅音樂路。而作為離別三部曲忠實fans，好想柳柳可以再出多啲情歌！
「想到 流淚說感激 說感恩 說念掛」
如果可以將記憶倒行，你會想返去邊段時光？
《記憶倒行》Jer 柳應廷
曲：Supper Moment
詞：Supper Moment
編 : 青山大樂隊
監：王雙駿
「忘掉了的那份悸動記憶再生
讓最美好年華緊閉合眼封印
重臨軌跡裡 分秒
沒有遺憾仍是無憾可跟你步近
留在昨日氣溫
流逝過的每段也總帶着餘溫
聽風幻想 想每幕也記得～
想過 能地老天荒
每根黑 變白髮」
▼Follow hkpopculturelover
Instagram: https://www.instagram.com/hkpopculturelover/