鄧麗欣同男友交叉感染致失聲 拒做方力申B女契媽：唔係好熟

鄧麗欣（Stephy）今天（21日）到商台宣傳新歌《立斷》及澳門演唱會。談到前度方力申宣布太太葉萱（Maple）佗B女，Stephy表示剛剛才知道，之前對方宣布太太懷孕，已在通訊群組傳信息恭喜。問可覺得小方一副「外父相」？她則稱不知「外父相」是怎樣，參考過林峯與張繼聰的照片後只道：「咁係囉！」

可會買裙仔送給對方B女，她笑言：「留演唱會很性感的舞衣給她啦，啱唔啱使吖？」問與小方相識多年，可會認做B女契媽？她反應甚大兼大笑：「其實唔係好熟，唔好玩啦！真係搞笑，人嘅嘢識得耐又唔代表同你熟嗰喎，相信大家都明，總之係開心事啦！」

自己又可會為結婚生仔加把勁？她叫大家勿催促：「我同男友都係好free嘅人，我已經去到一個階段，就係隨遇而安，去到適合時機就會做。（會否有BB才結婚？）盡量希望唔好啦！」

另外，Stephy早前因病失聲，自嘲聲線「性感」，她表示已痊癒9成已很開心，之前失聲3日，感覺沮喪，相信因之前拍攝瘦身廣告，穿得太少而着涼感冒：「本來咳了兩天以為康復，懷疑傳染給男友，男友又再傳染給我，令病菌變種，本希望再傳染給男友便沒事，但失敗了，與男友唯有用手語溝通。」問是否與男友太纏綿至交叉感染，她指是病菌太「纏綿」，幸距離9月澳門騷還有一段時間復原。

Stephy表示為澳門騷正積極練歌，亦為身形定下了目標：「今次對肌肉有啲要求，已經開始健身，除了腰和腹，亦想練出蜜桃臀，除了希望形態上更加靚，亦因為紅館跳舞好多動作，條頸有少少整親，鍛鍊臀部肌肉有助健康。（比紅館騷更性感？）視乎鍛鍊成果。」

（即時娛樂）