【LINE你睇】養和$88兩餸飯獲讚 「史上最良心醫院飯」

兩餸飯攻陷私家醫院！有網民近日在Facebook群組「兩餸飯關注組」分享，養和東區醫療中心竟然有提供每日HK$88的中式兩餸飯套餐，即引起熱烈討論。帖文分享了一張養和午餐菜譜，提到過去病房菜單一碟飯索價HK$160起，但現時只需HK$88就包兩款餸菜，配白飯及時蔬，驚訝表示「價錢破歷史實惠」。

養和醫院的餐廳一直被網民封為「醫院界米芝蓮」，食物水準獲極高評價，當中原煲滑雞飯更是招牌菜。今次「兩餸飯」餐單每日有三款餸菜選擇，包括瑤柱蒸水蛋、紅燒茄子豆腐、古法蒸黃花魚、鮮淮山雲耳炒豚肉等。

有網民大讚「良心價」、「平得好緊要」，更有網民誇張稱會考慮去養和午膳，感受一下「醫院界米芝蓮」的美味。

圖片來源： Facebook群組「兩餸飯關注組」、Openrice

【LINE你睇】每日精選網絡熱話，LINE你睇唔驚冇話題。