消息指，多蒙特高層仲未正式開始搵新教練，尼沙軒唔一定會被炒

根據圖片報消息，多蒙特高層仲未正式開始搵新教練，就算今晚作客對住法蘭克福德甲比賽輸波，多蒙特教練紐尼沙軒都唔一定會被炒，仍然有機會帶領多蒙特對住博洛尼亞歐聯比賽😶

消息指多蒙特高層一直唔炒紐尼沙軒嘅主要原因就係佢哋唔想承認自己決定出現錯誤，到時無論係CEO華斯基、體育總監基爾定係同體育經理列瑾都會成為被批評對象，因為球隊高層選擇咗缺乏經驗嘅紐尼沙軒成為球隊教練🙃

根據德國天空體育消息 多蒙特體育總監基爾同教練沙軒希望簽入曼聯前鋒華舒福，多蒙特已經展開最新談判，目標就係以租借形式簽入呢位英格蘭🏴󠁧󠁢󠁥󠁮󠁧󠁿球員。不過，多蒙特想完成呢單轉會絕對唔簡單，因為租借費用同人工都比較貴，而多蒙特已經知道所有細節🙂

▼Follow足球仁
Instagram: https://www.instagram.com/football_yern/