今場比賽焦點應該係停賽嘅哈利簡尼　相信簡尼成場比賽嘅心情好似坐緊過山車

拜仁作客3:3打和萊比錫德甲比賽，今場比賽焦點人物並唔係球場上球員，而係因為儲夠黃牌需要停賽嘅拜仁前鋒哈利簡尼，如果拜仁可以贏波，簡尼就可以終止魔咒，奪得職業生涯第一個冠軍，呢場比賽對於簡尼嚟講就好似坐過山車🙃

1️⃣RB萊比錫係比賽40分鐘再入一球領先拜仁2:0，當時轉播鏡頭影住哈利簡尼，而簡尼當時心情有啲沉重😕

2️⃣拜仁係下半場62分鐘2分鐘內連入兩球，之後去到84分鐘由利萊辛尼射入反超前一球，呢個時候坐喺看台嘅哈利簡尼似乎感覺到自己即將迎接第一個冠軍，終於識得笑啦😄

3️⃣當比賽去到補時階段嗰陣，哈利簡尼好明顯已經等唔住，直接行咗落去場邊等緊主球證吹雞完場🥺

4️⃣點知去到比賽最後一刻，萊比錫成功追成平手，呢個時候鏡頭再次影住哈利簡尼，而簡尼表情變到極為複雜。雖然球隊拎多1分/利華古遜失分就可以成為今季德甲冠軍，但今場比賽之後都無辦法慶祝拎冠軍😐

今次只係紀錄一下哈利簡尼呢位「悲情」男主角，記得簡尼當初加盟拜仁已經有唔少波折，估唔到同拜仁贏第一個冠軍都係咁多波折，希望呢位男主角下星期親自為「第一個冠軍」呢套電影寫上完美句號🥺

運動