呂爵安再於愚人節推新歌　道出心酸無奈故事

Edan今年再次喺愚人節推出作品，係一首截然不同嘅E式情歌，道出心酸無奈故事。

「我也未算笨 舉止也小心 愛你才這樣 貿貿然犧牲」

愛上一個人時，總會奮不顧身，不惜一切地付出。可惜得不到緣份眷顧，自己只被當作笑話。明知唔會開花結果，甚至過程定必遍體鱗傷，仍然不理後果，誓要與心上人走近，全因一個愛字。

「誰臉都不要 那怕 末了 被你視作玩笑 我肯 我忍 我不覺得困擾 對你上癮 到停不了」

對方小小嘅動作已經令自己心如鹿撞，身陷情海，逐漸成為生活唯一動力，為自己黯淡嘅人生添上一點色彩。就算換嚟更多係傷痛，所謂甜蜜未來不過係空想，依然不能自拔，唔捨得放手。

「難過的一世 卻有著你 令我又喊又笑 每天也當 你的祭品 也不緊要」

或者咁樣做係好傻，不過我毫不介意，甘願犧牲。就當每日都係愚人節，依個世界總需要一啲悲情角色，你身邊亦需要一個笑匠。我變成點從來都唔重要，只要可以留在左右，繼續令你幸福快樂就夠。

「我肯 我忍 我不覺得困擾 我想 每天 挖出我心 讓你吃掉」

《天天都是愚人節》演繹同以往嘅E式情歌唔太相似，但歌中傷感依舊係慢慢滲入內心。主角一如既往地自卑，即使有一顆善良同願意付出嘅心，仍然無法得到真摯之愛情，再次以音樂將E先生嘅不幸延續。

「最渺小的我 卻有著你 令我尚覺重要 每天搾取 我的笑料 也不緊要」

Edan依兩年雖然產量無過去咁多，但質素依舊，亦有唔少新嘗試，好似《純銀子彈》同《天天都是愚人節》都係越聽越有味道嘅作品！

「夜了 夜了 倦透 就去 睡了 命也 認了 是我 大勢 已去了」

最後，希望大家唔使再做愚人節嘅主角，終有一日能夠好好慶祝情人節❤️‍🩹

《天天都是愚人節》Edan 呂爵安
曲：呂爵安
詞：黃偉文
編：Bowie 王保為 / Anson Chan @ emp
監：Edward Chan

「最渺小的我
卻有著你 令我尚覺重要
每天搾取 我的笑料 也不緊要
（ 已渺小的我 更小 也不緊要）

夜了 夜了 沒有 力氣 恨了
夜了 夜了 倦透 就去 睡了
夜了 夜了 望鏡 望見 我苦笑

夜了 夜了 沒有 力氣 恨了
夜了 夜了 倦透 就去 睡了
命也 認了 是我 大勢 已去了」

▼Follow hkpopculturelover
Instagram: https://www.instagram.com/hkpopculturelover/