港鐵乘客遇女子索聯絡方法 過來人提醒要小心
一名港鐵乘客在社交媒體上分享，在長沙灣站月台等候交收期間，突然被兩女子答訕，聲稱玩遊戲要每個港鐵站找人索取聯絡方法。不少網民分享經歷，曾遇過同類事件，提醒小心是美容傳銷。
事主表示，「啱啱喺度（長沙灣站月台）等緊交收，無啦啦有兩個女仔走過嚟話玩緊Game（遊戲），話要喺每個站搵人交換Contact（聯絡方法），我本能反應秒拒絕，唔係呢即係我覺得好多時都好鬼，無端白事唔會有人搭訕你同你交換Contact」。
事主又指，「就算有朋自遠方來，都覺得係非奸即盜」，直言「何況係陌生人，所以話咩街邊炒牌，或者見到想問佢拎ig（Instagram）嘅一律係有X病」。
在事主分享被女子索取聯絡方法一事後，不少網民以過來人的身份提醒，這些搭訕者是以各種理由接近，大多數與美容、保險或傳銷有關。有網民表示，曾有朋友因交換電話而被邀約，最後花費逾萬元買美容療程，甚至被要求申請信用卡。另一位網民則笑言，「我同佢交換咗contact，我講完自己做保險再問佢就消失咗，Sell（傳銷）都唔sell」。
有網民提及搭訕者搭訕的方法，指出搭訕者常以「玩遊戲輸咗，要搵三個唔同星座嘅人」作為藉口，然後索求電話號碼。
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)