苗僑偉認證周潤發跑隊每人收「兩皮」：仲使乜拍戲！

藝人苗僑偉（三哥）、黃日華今日（4日）現身尖沙咀出席謝寧新店開幕活動，謝寧表示與兩人相識已超過40年，第一套擔任女主角的劇是與三哥搭檔，嫁人之後華哥則是戲內第一個老公，因此今日邀請他們來擔任嘉賓。問到兩人即使經常進食，但身形仍Fit，華哥表示自己以健康食品為主，而三哥就指：「一個禮拜最少跑步三四日（同發哥同team？）我哋係分部嚟，發哥旗下有好多隊。（係咪要交學費？）求求其每人兩皮，所以依家發哥使乜拍戲，每人收兩皮都夠佢食，佢又唔大洗，平時食吓大排檔茶餐廳，好易養。」

提到《尋秦記》票房成績大好，三哥直言是意料之中，而問到加長版是否有更多他的戲份，他就笑言自己劇份原本已經很多，更分享網上好多網民呻不停抽到他的閃卡，但又有部分網民就很想抽到：「想要嗰陣就冇，你唔想要嗰陣就畀你，人生就係咁。」提到他早前為黃宗澤（Bosco）頒發視帝，三哥大讚Bosco是實至名歸，又笑言Bosco一向口賤是本色演出，甚至在自己面前更加口賤。

東網網站 : https://on.cc/東網Facebook專頁 : https://www.facebook.com/onccnews/