多蒙特龍門高保已向體育總監表示留隊

之前傳出車路士、紐卡素同曼聯三間英超球隊有興趣今個夏天嘗試簽入多蒙特龍門高保，而多蒙特希望收返6000萬至7000萬歐羅轉會費。根據踢球者同體育圖片報消息，高保已經向體育總監基爾表示將會留隊，今個夏天無咩可能會轉會🙂

消息指高保係多蒙特好舒服，再加上球隊拎到下季歐聯參賽資格，更重要嘅係高保希望鞏固自己係瑞士國家隊🇨🇭龍門位置，並且以正選身份出席2026年世界盃。而且，高保嚟緊唔想因為轉會傳聞分心，希望可以專心參加下個月世界冠軍球會盃比賽😉

消息又指世界冠軍球會盃對於多蒙特嚟講好重要，就好似殺入分組賽已經為多蒙特增加2500萬歐羅收入，如果順利殺入8強，呢樣將會為多蒙特帶嚟額外2000萬歐羅收入。由於多蒙特拎到下季歐聯參賽資格，球隊賣走球員賺取轉會費之前，體育總監基爾大約有3000萬歐羅轉會預算😶