消息指PSG對拜仁中堅金玟哉有興趣

根據圖片報消息，巴黎聖日耳曼希望今個夏天加強球隊後球員，佢哋有興趣簽入拜仁中堅金玟哉，而巴黎聖日耳門體育總監甘保斯已經係上星期同金玟哉經理人就係法國🇫🇷巴黎進行見面，今次見面令甘保斯初步了解金玟哉有咩諗法😶

除咗巴黎聖日耳門之外，原來沙特阿拉伯球隊艾納斯都對金玟哉有興趣，佢哋將會同巴黎聖日耳門去競爭呢位韓國🇰🇷球員。消息指拜仁對於金玟哉球場上表現並唔滿意，亦都唔會阻止金玟哉今個夏天離隊，尤其係球隊已經免費簽入利華古遜中堅莊拿芬達亞🙃

消息又指拜仁希望以5000萬歐羅賣走金玟哉，而拜仁教練甘賓尼亦都願意俾金玟哉離開球隊。因為甘賓尼好欣賞般尼中堅艾斯迪夫，尤其係呢位法國🇫🇷球員嘅對抗力量同埋擁有冷靜出波能力。事實上，甘賓尼曾經執教過艾斯迪夫，甚至乎已經同球員直接交談，從而了解佢嘅心理狀態😉

▼Follow足球仁
Instagram: https://www.instagram.com/football_yern/